« fantasía | aðal | þungur málmur »

mars 24, 2004

raunsæi

Var að klára að horfa á American Splendor , sem er ágætis raunsæis gaman-drama um skjalavörðin og taugahrúuna Harvey Pekar. Harvey varð þekktur fyrir að vera höfundur teiknimyndasagnanna American Splendor, sem fjalla um hann sjálfan og hversdagslegt líf hans, en það er einmitt þessi hversdagsleiki sem er eitthvað svo sannur..... svona eins og bömmer að bíða eftir veseniskellingunni sem er á undan þér á kassanum út í kjörbúðinni...

Myndin sveiflast skemmtilega á milli þess að vera sjálfævissaga hans og að vera næstum heimildarmynd, þ.e. þegar við fáum að sjá hinn raunverulega Pekar, sem er sprækur á kvikmyndasettinu í hlutverki sínu sem þulur sögunnar.

Talandi um að vesen á kassa, fyrir svona þrem vikum síðan var ég út í nóatúni og þar var rúmlega tvítug stelpa á undan mér að versla eitthvað.
Eftir að afgreiðsludýrið segir upphæðina sem var þrjúhundruð og eitthvað krónur tekur hún upp tóma tveggja lítra kókflösku fulla af klinki [krónum og fimm krónum] og byrjaði að sprauta því í lófann sinn. Svo fór hún að telja það.
Eftir það sem virtist vera eilífð þá missir hún smá niður og fer að telja aftur, og eftir smá stund þá hellir hún þessu í lófann á afgreiðsludýrinu.
Eftir að hann er búin að telja þetta þá kemur í ljós að það vantar pening... alveg fjörtíu og eitthvað krónur.
Þarna eru um það bil 3-4 mínútur búnar að líða og ég alveg að missa þolinmæðisbrosið.
Hún sprautar meiru í lófann og telur meira og afhendir svo restina.... mínus svona 7 krónur, en það var einmitt þá sem að þolinmæðisbrosið datt af mér.

Allaveganna þá er splendor fín mynd, og einstaklega vel raðað í hlutverkin í myndinni, sérstaklega nördinn í myndinni .... og revenge of the nerds frásögnin er algjör snilld.

24.03.04 03:43

skyldar greinar: