« athyglisvert | aðal | Alien Androgynous »

nóvember 10, 2004

barnaskapur

Ég var nýlega að slaka á í heitum potti í sundlauginni í laugardalnum, sem er hverfið mitt og heyri í hrópum út í laug. Þá eru þar svona u.þ.b. 6 stykki af krökkum svona í kringum 10-12 ára, þar af einn af þeim var greinilega að úthúða hinum, sagði m.a. að hann væri ljótur og var með yfirlýsingar um hann og stöðu hans í hópnum. Hinir tóku ekki þátt, en horfðu bara á.
Tvær stelpur sem voru hluti af þessum hóp tóku eftir því að ég var að horfa á og fóru upp úr þurru að útskýra fyrir mér að þessi strákur hefði kallað þær nöfnum og aðra líka þarna og væri "leiðindagaur" eins og þær orðuðu það.
Smá tími líður og ég hætti að spá í þessu, en eftir smá stund þá segja þær "sjáðu" og ég lít við, en þá er sá "ljóti" með allan hópinn á eftir sér farinn að labba frekar rólega og ógnandi að stráknum með kjaftinn, sem gerir ekkert annað en að bakka frá þeim og heldur jafnri lengd á milli þeirra. Endaði strákurinn upp á bakka og virtist ekki þora niður í aftur.
Eins og gefur að skilja var þetta mjög kómískt og í kjölfarið sagði ég við þær að næst þegar hann kallar þær einhverjum nöfnum þá geti þær svarað honum að hann sé nú bara "huglaus aumingi" og það sé miklu verra. Lifnaði aðeins yfir þeim og sögðu þær "jaaáááá!".
Eftir smá stund þegar hópurinn mínus sá með kjaftinn var kominnn í pottinn heyrði ég svo í þeim áframselja þessa hugmynd um "huglausa aumingjann" og hugsaði með mér að strákurinn mundi ekki fá frið fyrir þessu tja svona næstu 2-3 árin.

svona virkar karma víst

10.11.04 20:30

skyldar greinar: