« mp3 bílaútvarp | aðal | bleh.... »

júní 03, 2004

nokkur ummæli...

Hérna eru nokkur ummæli frá mér á huga um mál dagsins... ég feitletra kommentin sem ég er að svara

"Enginn tilgangur með að láta þetta í þjóðaratkvæðagreiðslu! Þjóðin hefur nákvæmlega engann áhuga á að lesa þetta frumavarp og ég segi að svona u.þ.b. 100 manns eru búnir að lesa það og svona 300 búnir að kynna sér það!"

já.... leggjum líka niður kosningarnar.....þjóðin hefur nákvæmlega engan áhuga að kynna sér pólitík

flokkarnir fegra sig hvort eð er bara í auglýsingastofum til að veiða inn atkvæði frá illa upplýstum almúganum...

ég veðja að ekki hver einasti sem kýs les yfir þingræður manna í framboðum... eða skoðar hvaða málum þeir hafa greitt atkvæði.. nei því miður kýs fólk oftast eftir misgóðum upplýsingum og það er ekki hægt að stjórna því með því að segja að það ætti ekki að kjósa.... nei til þess eru tjáningarfrelsi því ef einhverjum finnst að þessu vegið þá getur hann látið í sér heyra og haft áhrif á umræðuna


"Við kusum stjórnina og þeir eiga að stjórna!"

1) við kusum ekki stjórnina, stjórnir eru myndaðar eftir kosningar

2) við kjósum þessa menn og borgum þeim fyrir að stýra landinu... ef það eru vafaatriði er sjálfsagt að hluthafar ríkisins fái að greiða atkvæði um málið

3)við kusum líka forsetann og málsskotrétturinn er ekki einhver falin neðanmálsklausa heldur ákvæði í stjórnarskránni sem flestir með skítsæmilegan áhuga á pólitík vissu af.

"Þarf ekki fyrst að fá úr því skorið hvort forsetinn hefur þetta vald eða ekki?"


hvernig stendur á því að um leið og það þjónar hagsmunum sjálfstæðisflokksins þá er farið út í að endurtúlka jafnvel sjálfssögðustu hluti....

það hefur aldrei verið neinn vafi á þessu ákvæði stjórnarskrárinnar... þó svo að nánustu stuðningsmenn og flokksmenn davís oddsonar reyna að draga upp langsótt vafaatriði og þó að það hafi ekki verið notað í 60 ár, þá er engin vafi á réttmæti þess...

eina sem ég sé vera að gerast er að ákveðnir aðillar innan sjálfstæðisflokksins eru eins og lélegir keppnismenn... sífellt að endurtúlka/breyta reglunum, þegar það hentar


"Gæti það verið vegna þess að fjölmiðlar pressuðu ekki eins mikið á þar [öryrkjamálið] og engir peningar í boði hjá öryrkjum eins og allir vita."


ég tel ástæðuna vera augljósa..... það eru fleiri vafaatriði og málið snýr að alvarlegri grunnþætti í samfélaginu, sem eru fjölmiðlar...

ósáttinn í kringum frumvarpið er þverpólitísk, og því miður eru þeir einu sem hafa ekki þorað að tjá sig eru þingmeirihluti sjálfstæðisflokksins, því að þar er valdabarátta í gangi, sem snýst aðallega um forystu flokksins þegar davíð yfirgefur bátinn


það sem er sorglegast er að það gat ríkt sátt um málið.... en umgjörðin um frumvarpið er spillt.. það er ekkert gert í þessu máli fyrr en fréttablaðið kemur fram á sjónarsviðið og ógnar gamla flokksblaði sjálfstæðisflokksins [t.d.]

en mitt álit á þessu, og ég held að allir geti verið sammála um það, er

þegar kemur að því að setja löggjöf um svona ótrúlega mikilvægan hlut, eins og fjölmiðla, sem hafa ótrúlega mikilvægu hlutverki að gegna í okkar þjóðfélagi, þá verða og ég meina VERÐA þau lög að verða sett fram í sæmilegri sátt og góðri trú.....

mér finnst hvorugt vera upp á teningnum, og það þarf ekki bara að horfa á viðbrögð almennings [sem jú gætu litast af fréttaflutningi]
heldur er nóg að líta á ummæli þeirra flokksmanna stjórnarflokkana, sem eru ekki inn á þingi [og undir pressu að hlýða foringjunum]

03.06.04 01:09

skyldar greinar: